The Gallowa' Hills

For I'll tak' my plaidie, contentit tae be,
A wee bit kiltit abuin my knee,
An' I'll gie my pipes anither blaw
An' I'll gang oot o'er the hills tae Gallowa'.

Chorus:
Oh the Gallowa' Hills are covered wi' broom,
Wi' heather bells an' bonny doon;
Wi' heather bells an' riveries a',
An' I'll gang oot o'er the hills tae Gallowa'.

For say bonnie lassie, it's will ye come wi' me
Tae share your lot in a strange country,
For tae share your lot when doon fa's a',
An' I'll gang oot o'er the hills tae Gallowa'.

For I will sell my rock, I'll sell my reel,
I'll sell my Grannie's spinnin' wheel,
I will sell them a' when doon fa's a',
An' I'll gang oot o'er the hills tae Gallowa'.

 

variation as sung by Jeannie Robertson, originally composed by Willie Nicholson, 19th Century